Walt’ga xush kelibsiz

Walt nima va undan qanday foydalanish mumkin: ilovaning asosiy funksiyalari, uning yangi nomi, shuningdek akkaunt yaratish, balansni tekshirish va aktivlaringizni ko’rish haqida barcha ma’lumot.

• Walt haqida
  • Walt nima
  • Walt’da nimalar qila olasiz
  • Hamyon endi Walt deb ataladimi?
  • Walt’ni qanday ochish kerak
  • Kastodial servis nima
  • Walt’dagi kastodial servis va DeFi Hisobi o’rtasidagi farq nimada
  • Walt va Telegram bog’langanmi
  • Walt xizmatlarini kim ko’rsatadi
  • Asterium nima
• Akkaunt va manzillar
  • Walt’da akkauntni qanday yaratish mumkin
  • To’ldirish manzilingizni qayerdan topish mumkin
  • Walt’da qo’shimcha manzillar yarata olamanmi
  • Mavjud manzilni Walt’ga qo’sha olamanmi
• Aktivlar, balans va o’tkazmalar tarixi
  • Walt qaysi aktivlarni qo’llab-quvvatlaydi
  • Balansingiz va aktivlaringizni qayerda ko’rish mumkin
  • Nega balansda barcha aktivlarim ko’rinmayapti
  • O’tkazmalar tarixini qayerda ko’rish mumkin
  • O’tkazmalar bo’yicha ko’chirmani qanday olish mumkin
  • Aktivlaringiz daromadini qayerda ko’rish mumkin
• Ilova sozlamalari
  • Walt’da til va valyutani qanday o’zgartirish mumkin
  • Walt’ni bosh ekranga qanday qo’shish mumkin
  • Nima uchun Walt Bosh ekranga qo’shilmayapti
  • Walt bildirishnomalariga obunani qanday bekor qilish mumkin
  • Walt’ni qanday yangilash kerak
  • Walt ishlamayotgan bo’lsa, nima qilish kerak
• Xavfsizlik, kirish va foydalanish qoidalari
  • Walt’dan qoidalarni buzmasdan qanday foydalanish
  • Nega "Akkaunt ko’rib chiqilmoqda" ekranini ko’ryapman
  • Walt qayerda va kimlar uchun mavjud
• Walt qo’llab-quvvatlash xizmati va yangiliklari
  • Walt qo’llab-quvvatlash xizmati bilan qanday bog’lanish mumkin
  • Walt yangiliklarini qayerda kuzatish mumkin

Walt haqida

Walt nima

Walt — bu Telegram ichida kripto-aktivlar bilan ishlash uchun multicheyn platforma. Uning yordamida kripto-aktivlarni yuborish, ayirboshlash, sotib olish va sotish, shuningdek ularni saqlash va bu uchun bonuslar olish mumkin.

Walt’da nimalar qila olasiz

Walt ilovasida siz quyidagilarni qilishingiz mumkin:

• Qo’llab-quvvatlanadigan tarmoqlarda kripto-aktivlarni saqlash, yuborish va qabul qilish;
• Bank kartasi yordamida kripto-aktivlarni sotib oling va soting;
• Ilova ichida kripto-aktivlarni ayirboshlash;
• AQSH aksiyalari va ETF’lari bilan ta’minlangan tokenlarni xarid qilish;
• Daromad dasturlari va kampaniyalarida ishtirok etib, bonuslar oling.

Walt ilovasida ham kastodial servis, ham DeFi Hisobi — TON tarmog’idagi nokastodial manzil — mavjud. Uning yordamida kalitlarni mustaqil boshqarishingiz va TON ekotizimi imkoniyatlaridan foydalanishingiz mumkin.

Hamyon endi Walt deb ataladimi?

Ha, “Hamyon” ilovasi nomini o’zgartirdik — endi u Walt deb ataladi. Bu o’sha ilova va o’sha mahsulotlar — faqat nomi yangi.

Walt’da siz hali ham quyidagilardan foydalanishingiz mumkin:

• kastodial hamyon (avvalgi "Kripto Hamyon"),
• aksiyalar va ETF’lar bilan ta’minlangan tokenlar,
• Daromad dasturlari,
• kastodial bo’lmagan DeFi Hisobi.

Demak, faqat ilovaning nomi, username’i (endi @walt), logotipi va Telegram ichida ishlashiga oid ayrim tafsilotlar o’zgardi.

Masalan, Walt endi Telegram sozlamalarida ko’rinmaydi.

Shu bilan birga, Walt’ning asosiy funksiyalari avvalgidek ishlaydi. Siz uchun deyarli hech narsa o’zgarmaydi. Yangi akkaunt yaratish, mablag’larni o’tkazish yoki ilovani qayta sozlash kerak emas — akkauntingiz, manzillaringiz, aktivlaringiz, balansingiz va o’tkazmalar tarixingiz barchasi saqlanib qoladi.

Tez va oson kirish uchun Walt’ni Telegram chatlar ro’yxatingizda mahkamlab qo’yishni yoki Bosh ekranga qo’shishni tavsiya qilamiz. Buni qanday qilish kerak.

Hamyon nomi Walt deb o’zgartirilgani haqida batafsil ma’lumot va tez-tez beriladigan savollarga javoblarni ushbu maqoladan topishingiz mumkin.

Agar qayerdadir “Hamyon” yoki “Kripto Hamyon” nomlarini uchratsangiz, ular hozir Walt nomi ostida birlashtirilgan ayni bir ilova va mahsulotlarni anglatadi.

Walt’ni qanday ochish kerak

Walt ilovasini ochish uchun:

• Telegramni oching va qidiruv satriga @walt foydalanuvchi nomini kiriting. Qidiruv natijalarida Walt nomi yonida Telegram tasdiqlash belgisi bo’lishi kerak. Bu uning rasmiy akkauntimiz ekanini tasdiqlaydi.
• To’g’ridan-to’g’ri havolaga o’ting.

Kastodial servis nima

Kastodial servis — bu kripto-aktivlar bilan ishlash uchun kirish kalitlarini shaxsan siz emas, balki servis saqlaydigan hamyon.

Walt’da biz o’zimiz siz uchun manzillar yaratamiz, ularga kirish kalitlarini saqlaymiz, shuningdek ularning xavfsizligi haqida g’amxo’rlik qilamiz. Ulardan foydalanish uchun sizga faqat Telegram akkaunti kifoya — maxfiy iborani yozib qo’yish yoki kalitlarni boshqarish shart emas.

Walt foydalanuvchilarning kalitlari va mablag’larini saqlagani sababli, biz akkaunt xavfsizligini kuzatib boramiz. Buning uchun quyidagilarni amalga oshiramiz:

• Tasdiqlash — akkauntdan haqiqatan ham siz foydalanayotganingizga ishonch hosil qilishga yordam beradigan shaxsni tasdiqlash;
• O’tkazmalarni tekshirish — Walt shubhali faoliyatni o’z vaqtida aniqlash uchun amaliyotlarni tekshiradi;
• Kengaytirilgan tekshiruv — ayrim hollarda akkauntingiz haqida qo’shimcha maʼlumot so’rashimiz mumkin. Bu sizni ham, boshqa foydalanuvchilarni ham firibgarlikdan himoya qilishga yordam beradi.

Bunday tekshiruvlar kastodial xizmatlar uchun odatiy amaliyot hisoblanadi.

Agar kalitlaringiz va manzilingizni o’zingiz boshqarishni afzal ko’rsangiz, TON tarmog’idagi, Walt’da ham mavjud bo’lgan kastodial bo’lmagan DeFi Hisobidan foydalaning.

Walt’dagi kastodial servis va DeFi Hisobi o’rtasidagi farq nimada

Kastodial servis va nokastodial DeFi Hisobi kalitlarni kim boshqarishi bilan farq qiladi.

Kastodial servisda kalitlarni Walt saqlaydi. Walt ilovasida ham mavjud bo’lgan DeFi Hisobida esa kalitlar faqat sizda bo’ladi. Manzilga kirish va aktivlaringiz xavfsizligi uchun faqat o’zingiz javobgarsiz.

Walt’dagi kastodial servis va DeFi Hisobi o’rtasidagi asosiy farqlar

*Web3 kripto-aktivlar bilan ishlashga mo’ljallangan ilova va xizmatlarni anglatadi — ularda foydalanuvchilar ularni bank yoki ayirboshlash xizmati kabi vositachilarsiz mustaqil boshqaradi.

Walt va Telegram bog’langanmi

Walt va Telegram ilovalari alohida, mustaqil xizmatlardir.

Walt Telegram ichida ishlaydi va Walt’dagi akkauntingizga kirishingiz uchun Telegram akkauntingizdan foydalanadi. Shu bilan birga, Telegram Walt ilovasini boshqarmaydi va aktivlaringiz uchun javobgar emas.

Walt esa Telegram qanday ishlashi yoki Telegram akkauntingiz xavfsizligi uchun javobgar emas.

Walt xizmatlarini kim ko’rsatadi

Walt xizmatlarini O’zbekiston Respublikasi rezidentlariga TGHAMYON LLC (Uzbekistan) taqdim etadi. TGHAMYON MChJ O’zbekiston Respublikasining Istiqbolli loyihalar milliy agentligi tomonidan berilgan. CD#0006 raqamli kripto-depozitariy litsenziyasi asosida faoliyat yuritadi. Walt O’zbekiston Respublikasi rezidentlariga uning qonunchiligiga muvofiq xizmatlar ko’rsatadi. Bu haqda batafsil ma’lumotni Foydalanuvchi shartnomasida olishingiz mumkin.

Walt ilovasidagi ayrim funksiyalarni uchinchi tomon kompaniyalari taqdim etadi. Bunga, masalan, Asterium orqali fiat valyuta evaziga kriptoaktivlarni ayirboshlash, sotib olish va sotish, shuningdek, kastodial bo’lmagan DeFi Hisobi kiradi. Bu funksiyalardan foydalanish tegishli kompaniyalarning shartlari bilan tartibga solinadi.

Asterium nima

Asterium — O’zbekiston Respublikasi hududida Walt’da kripto-aktivlarni sotib olish, sotish va ayirboshlash xizmatlarini ko’rsatuvchi litsenziyaga ega tashkilot. Asterium — bizning hamkor xizmatimiz. Aktivlarni sotib olish, sotish yoki ayirboshlashdan oldin Asterium’ning Ommaviy ofertasi, Kliring xizmati shartnomasi va Maxfiylik siyosati bilan tanishib chiqing va ularni qabul qiling. Asterium haqida ko’proq ma’lumotni bu yerdan olishingiz mumkin.

Akkaunt va manzillar

Walt’da akkauntni qanday yaratish mumkin

1. Walt ilovasini ishga tushiring — Telegramda @walt'ni oching.

   Faqat Walt’ning rasmiy Telegram foydalanuvchi nomlaridan foydalaning — @walt va @wallet. Agar o’xshash nomli akkauntlarni ko’rsangiz, ularning havolalariga o’tmang va u yerda ma’lumotlaringizni kiritmang.

2. Akkaunt yaratish uchun ekrandagi ko’rsatmalarga amal qiling.
3. Shaxsni tasdiqlashni yakunlang. Bu haqda batafsil bu yerda bilib oling.

Shundan so’ng akkauntingiz yaratiladi, Walt esa barcha qo’llab-quvvatlanadigan kripto-aktivlar uchun manzillarni avtomatik yaratadi.

To’ldirish manzilingizni qayerdan topish mumkin

1. Walt’ni oching;
2. Asosiy ekranda To’ldirish → Kripto to’ldiringni bosing;
3. Kerakli kripto-aktivni tanlang — to’ldirish uchun manzil va QR kodni ko’rasiz.

Manzilni yuboruvchi bilan ulashishdan oldin, to’g’ri tarmoqni tanlaganingizga ishonch hosil qiling. Aks holda, mablag’lar yo’qolishi mumkin.

Walt’da qo’shimcha manzillar yarata olamanmi

Yo’q, Walt’da qo’shimcha manzillar yaratib bo’lmaydi yoki mavjud manzillarni o’zgartirib bo’lmaydi. Ro’yxatdan o’tish jarayonida qo’llab-quvvatlanadigan kripto-aktivlar uchun manzillar avtomatik yaratiladi va akkauntingizga biriktiriladi.

Agar sizga qo’shimcha manzillar kerak bo’lsa, ularni TON tarmog’ida yaratishingiz va Walt ichidagi nokastodial DeFi Hisobi orqali mustaqil boshqarishingiz mumkin.

Mavjud manzilni Walt’ga qo’sha olamanmi

Bu qaysi manzilni nazarda tutayotganingizga bog’liq.

Agar u kastodial manzil bo’lsa — yo’q. Uni Walt’ga qo’shib bo’lmaydi. Xuddi shuningdek, Walt’da yaratilgan kastodial manzilni boshqa xizmatga o’tkazib bo’lmaydi.

Bu — foydalanuvchilari uchun manzillarni mustaqil yaratadigan, ularga kirish kalitlarini saqlaydigan va boshqaradigan kastodial servislarning odatiy xususiyati. Shu sababli kastodial manzillarni ko’chirib bo’lmaydi yoki boshqa ilovada ishlatib bo’lmaydi.

Agar bu TON tarmog’idagi kastodial bo’lmagan manzilingiz bo’lsa, uni Walt ichidagi DeFi Hisobiga import qilish mumkin. Buning uchun o’sha manzilning maxfiy iborasini kiriting, import qilingach, uni Walt ilovasi orqali boshqara olasiz.

Aktivlar, balans va o’tkazmalar tarixi

Walt qaysi aktivlarni qo’llab-quvvatlaydi

Walt’da turli xil kripto-aktivlar, shuningdek aksiyalar va ETF’lar bilan ta’minlangan tokenlar bilan ishlashingiz mumkin. Ilovada quyidagilar mavjud:

• Qo’llab-quvvatlanadigan kripto-aktivlar — Walt’da to’ldirish, yechib olish, saqlash va ayirboshlash mumkin bo’lgan aktivlar (masalan, GRAM (avval TON), USDT, BTC, ETH va SOL).
• Savdo aktivlari — Walt’da sotib olish, sotish, ayirboshlash va saqlash mumkin bo’lgan, ammo hali to’ldirish yoki yechib olish mumkin bo’lmagan kripto-aktivlar.
• Aksiyalar va ETF’lar bilan ta’minlangan tokenlar — qiymati real AQSH aksiyalari va ETF’lar narxiga bog’langan kripto-aktivlar.

Walt’da mavjud barcha aktivlar haqida ushbu maqolada batafsil ma’lumot olishingiz mumkin.

Walt kastodial hamyoni kripto-aktivlarning hammasini ham qo’llab-quvvatlamaydi va NFT’lar bilan ishlamaydi. To’ldirishdan oldin kerakli aktiv to’ldirish uchun mavjud aktivlar ro’yxatida borligini doim tekshiring. Agar u ro’yxatda bo’lmasa, mablag’lar hisobga tushmaydi.

Agar TON tarmog’ida boshqa kripto-aktivlar yoki NFT’larni saqlamoqchi bo’lsangiz, Walt ichidagi kastodial bo’lmagan DeFi Hisobidan foydalaning. U TON tarmog’idagi barcha aktivlarni qo’llab-quvvatlaydi.

Balansingiz va aktivlaringizni qayerda ko’rish mumkin

Walt’ning asosiy ekranida barcha aktivlaringiz bo’yicha umumiy hisobingiz ko’rsatiladi.

Muayyan kripto-aktiv yoki aksiya yoki ETF bilan ta’minlangan token balansini ko’rish uchun Kripto yoki Aksiyalar va ETF’lar bo’limini oching.

Nega balansda barcha aktivlarim ko’rinmayapti

Agar muayyan aktivni ko’rmasangiz, bu uning yo’qolganini anglatmaydi. Walt balansi kichik aktivlarni avtomatik ravishda yashiradi.

Agar aktiv balansi $0.01 va $1 oralig’ida bo’lsa, u Boshqa aktivlar bo’limiga yig’iladi. Ularning balansini ko’rish uchun shunchaki shu bo’limni bosing.

Agar aktiv balansi $0.01 dollardan kam bo’lsa, u asosiy ekrandagi aktivlar ro’yxatida ko’rinmaydi. Uning balansini ko’rish uchun Savdo bo’limini oching, kerakli kripto-aktivni qidiring va uning sahifasiga o’ting.

O’tkazmalar tarixini qayerda ko’rish mumkin

1. Walt’ning asosiy ekranini O’tkazmalar tarixi tugmasigacha pastga aylantiring va uni bosing.
2. Akkauntingizdagi barcha amaliyotlar ro’yxati ochiladi.
3. Tafsilotlarni ko’rish uchun istalgan amaliyotni bosing.

Alohida o’tkazmani o’chira olmaysiz yoki o’tkazmalar tarixini butunlay tozalay olmaysiz.

Agar o’tkazmalar ko’chirmasi fayli kerak bo’lsa, bu qo’llanma bilan tanishing.

O’tkazmalar bo’yicha ko’chirmani qanday olish mumkin

Walt ilovasidagi o’tkazmalaringiz bo’yicha ko’chirma faylini sizga yuborishimiz mumkin.

Qo’llab-quvvatlash jamoamizga murojaat qiling va ko’chirma kerak bo’lgan davrni ko’rsating. Bizga murojaat qilganingizda, sizdan quyidagilarni so’raymiz:

• Ko’chirma nima uchun kerakligini qisqacha tushuntirish;
• Jonlilik tekshiruvidan o’ting;
• Agar ko’chirma tashkilot uchun kerak bo’lsa, so’rovning skrinshotini yuboring. Masalan, bank yoki soliq idorasidan kelgan xat.

So’rovingizni ko’rib chiqamiz va bu ko’chirmani taqdim eta olish-olmasligimizni sizga xabar qilamiz.

Aktivlaringiz daromadini qayerda ko’rish mumkin

Barcha aktivlaringiz bo’yicha umumiy daromadingiz Walt asosiy ekranidagi Balans maydoni ostida ko’rsatiladi. Unda oxirgi 24 soat yoki butun davr bo’yicha ma’lumotlar ko’rsatilishi mumkin. Bu rejimlar o’rtasida almashish uchun joriy qiymatni bosing. Yana bossangiz, oldingi ko’rinishga qaytasiz.

Muayyan aktiv bo’yicha daromadlarni ko’rish uchun Kripto yoki Aksiyalar va ETF’lar bo’limlarigacha pastga aylantiring. Daromadlilik har bir aktiv nomi yonida ko’rsatiladi.

Daromad qanday hisoblanishi haqida ushbu maqolada batafsil ma’lumot olishingiz mumkin.

Ilova sozlamalari

Walt’da til va valyutani qanday o’zgartirish mumkin

Tilni o’zgartirish uchun:

1. Sozlamalarni oching — asosiy ekranda yuqori o’ng burchakdagi uch nuqta belgisini (⋯) bosing;
2. Til bo’limiga o’ting;
3. Ro’yxatni aylantirib, keraklisini tanlang.

Balansingiz ekvivalenti ko’rsatiladigan fiat valyutani o’zgartirish uchun:

1. Sozlamalarni oching — asosiy ekranda yuqori o’ng burchakdagi uch nuqta belgisini (⋯) bosing;
2. Birlamchi valyuta bo’limiga o’ting;
3. Kerakli virtual valyutani tanlang.

Walt’ni bosh ekranga qanday qo’shish mumkin

Walt’ni qurilmangizning bosh ekraniga qo’shib, Telegram chatlari orasidan qidirmasdan bir bosish bilan ochishingiz mumkin.

Buning uchun:

1. Walt Sozlamalarini oching. Asosiy ekranda yuqori o’ng burchakdagi uch nuqta belgisini (⋯) bosing;
2. Bosh ekranga qo’shishni bosing;
3. Qo’shishni tasdiqlang.

Shundan so’ng Walt belgisi qurilmangiz ekranidagi ilovalar orasida paydo bo’ladi va Walt’ni bir marta bosish bilan ishga tushira olasiz.

Nima uchun Walt Bosh ekranga qo’shilmayapti

Agar Walt Bosh ekranga qo’shilmasa, katta ehtimol bilan Telegram ilovasida ish stoli yorliqlarini yaratish uchun ruxsat yo’q. Bu muammo ayrim Android qurilmalarida yuzaga kelishi mumkin.

Ruxsatni yoqish uchun:

1. Telefoningizdagi Sozlamalarni oching;

2. Ilovalar → Telegram → Ilova haqida ma’lumot bo’limiga o’ting;

   

3. Bosh ekran yorliqlari uchun ruxsatni yoqing.

   

   Eslatma: tugma nomi qurilmaga qarab farq qilishi mumkin. Agar «Bosh ekran yorliqlarini» ko’rmasangiz, «Yorliqlar yaratish» yoki «Yorliqlarni o’rnatish» kabi o’xshash variantlarni qidirib ko’ring.

4. Shundan so’ng Walt ilovasiga qayting va “Walt’ni Bosh ekranga qo’shish” yo’riqnomasidagi bosqichlarni takrorlang.

Walt bildirishnomalariga obunani qanday bekor qilish mumkin

Siz faqat ixtiyoriy bildirishnomalarni o’chirib qo’yishingiz mumkin. Buning uchun:

1. Walt Sozlamalarini oching. Asosiy ekranda yuqori o’ng burchakdagi uch nuqta belgisini (⋯) bosing;
2. Bildirishnomalar bo’limiga o’ting;
3. O’chirib qo’ymoqchi bo’lgan bildirishnoma toifalarini tanlang:

• Bozor holati
• Mahsulot yangilanishlari
• Marketing kampaniyalari
• Ta’lim beruvchi kontent
• Fikr-mulohaza so’rovlari

Walt’ni qanday yangilash kerak

Walt’ni qo’lda yangilashingiz shart emas.

Walt ilovasi Telegram ichida ishlaydi va Telegram bilan birga avtomatik yangilanadi. Walt’ning eng so’nggi versiyasidan foydalanish uchun Telegramni eng so’nggi versiyaga yangilang.

Walt ishlamayotgan bo’lsa, nima qilish kerak

Agar Walt ilovasi ochilmasa, xatolarni ko’rsatsa yoki qotib qolsa, quyidagi amallarni bajaring:

1. Telegram va operatsion tizimingizni eng so’nggi versiyaga yangilang.
2. Walt sahifasini qayta yuklang: ilovada yuqori o’ng burchakdagi uch nuqtani bosing → Sahifani qayta yuklash.
3. Telegramni ilova menejeri orqali toʻliq yoping, keyin uni qayta oching va Walt’ni ishga tushiring.
4. Internetga ulanish usulingizni o’zgartiring. Masalan, mobil internetdan Wi-Fi tarmog’iga yoki aksincha o’ting.

Muammo davom etsa, ichki mini-brauzer (WebView) keshini tozalang.

• Android’da keshni qanday tozalash mumkin: Sozlamalar → Ilovalar → Android System WebView → Keshni tozalash.
• iOS’da keshni qanday tozalash: Telegram → Sozlamalar (10 marta bosing) → WebView keshini tozalash.

Shundan keyin ham Walt ishlamasa, qo’llab-quvvatlash jamoamizga murojaat qiling. Qurilmangiz modeli, operatsion tizim versiyasi, shuningdek Telegram va WebView versiyalarini ko’rsating. Bu muammoni tezroq hal qilishimizga yordam beradi.

Xavfsizlik, kirish va foydalanish qoidalari

Walt’dan qoidalarni buzmasdan qanday foydalanish

Walt’dan foydalanishda qoidabuzarliklarga yo’l qo’ymaslik uchun bir nechta qoidaga amal qiling:

• Walt’dan faqat shaxsiy maqsadlarda foydalaning va akkauntingizga kirish ma’lumotlarini hech kim bilan ulashmang.
• Biz so’rashimiz mumkin bo’lgan qo’shimcha tekshiruvlardan o’z vaqtida o’ting va to’g’ri ma’lumot taqdim eting.
• Walt’dan faqat 18 yosh yoki undan katta bo’lsangiz foydalaning.
• Faqat bitta Walt akkauntidan foydalaning.
• Foydalanuvchi shartnomasiga rioya qiling.
• Ehtiyot bo’ling va firibgarlik sxemalaridan ogoh bo’ling. Tasdiqlash kodlari, parolingiz, DeFi Hisobingizning maxfiy iborasi yoki boshqa maʼlumotlarni hech kimga ulashmang.

Kirish vaqtincha cheklanishining mumkin bo’lgan sabablari haqida ushbu maqolada batafsil bilib olishingiz mumkin.

Nega "Akkaunt ko’rib chiqilmoqda" ekranini ko’ryapman

"Akkaunt ko’rib chiqilmoqda" ekrani Walt akkauntingizni qo’shimcha tekshiruvdan o’tkazayotganini anglatadi. Bu kastodial xizmatlar va kripto ayirboshlash platformalari uchun standart xavfsizlik tartibidir.

Tekshiruv odatda 12 soatgacha davom etadi. Ko’rib chiqish tugallangach, @walt chatida bildirishnoma olasiz.

Ba’zi hollarda tekshiruv uchun qo’shimcha hujjatlar kerak bo’lishi mumkin — masalan, daromadingiz manbasini tasdiqlash yoki mablag’laringiz qayerdan kelganini tasdiqlash uchun. Agar bu kerak bo’lsa, @walt chatida sizga xabar beramiz va qaysi hujjatlarni taqdim etish kerakligini aytamiz.

Kengaytirilgan tekshiruv haqida ushbu maqolada batafsil ma’lumot olishingiz mumkin.

Walt qayerda va kimlar uchun mavjud

TGHAMYON MChJ (Uzbekistan) Walt xizmatlarini quyidagilarga taqdim etadi:

• O’zbekiston Respublikasi hududida doimiy yashovchi fuqarolariga;
• O’zbekistonda viza, yashash guvohnomasi yoki ularning bo’lib turish huquqini tasdiqlovchi boshqa hujjat asosida qonuniy bo’lib turgan hamda O’zbekistonda soliq to’laydigan yoki mamlakatda doimiy yashaydigan chet el fuqarolari.

Walt qo’llab-quvvatlash xizmati va yangiliklari

Walt qo’llab-quvvatlash xizmati bilan qanday bog’lanish mumkin

Agar savolingiz bo’lsa, @walt_support chatida qo’llab-quvvatlash xizmatiga xabar yozing.

Vaziyatni o’z so’zlaringiz bilan tasvirlab bering va imkon bo’lsa, skrinshotlarni ilova qiling. Bu muammoni tezroq tushunishimizga yordam beradi.

Walt yangiliklarini qayerda kuzatish mumkin

Rasmiy Telegram kanallarimizga obuna bo’ling:

• Walt News in Uzbekistan — bu yerda servis yangiliklari, ilovaning yangi imkoniyatlari, yangilanishlar va yutuqli o’yinlar bilan bo’lishamiz.
• Walt holati — bu yerda uzilishlar, texnik xizmat ishlari va Walt qayta ishlay boshlagani haqida xabar beramiz.
• Walt yutuqli o’yinlari g’oliblari — bu yerda yutuqli o’yinlar natijalarini e’lon qilamiz.
• DeFi Hisobi yangiliklari — bu yerda Walt ichidagi DeFi Hisobi, uning yangi funksiyalari va TON ekotizimi imkoniyatlari haqida yangiliklar ulashamiz.